Benxa Iglesias

  Nace en Viveiro en 1981. A banda municipal de música de Viveiro e a orquestra de cámara de Xove xogan un papel crucial nos seus primeiros anos de formación. Durante estes anos inflúen moi positivamente nel profesores como José Orentino Sueiro Menor, Delio Represas Carrera e Jose Luís Silva García. Completa os seus estudos superiores no conservatorio superior de música de Santiago de Compostela, e paralelamente a esta formación académica recibe clases de David Bushnell e Rodolfo Epelde. A continuación realiza un posgrao en Esmuc de man de David B. Thompson.

  Asiste a cursos de trompa e master- classes de David Fernández, Eric Terwilliger, MitchaelHötzel, FroydisReeWekre, Jose Luís Estellés, EldarNebolsin, etc…

    Foi membro integrante da Ojsg (1998-2002) e da Jonde (2001-2004), onde recibe clases maxistrais de Kalervo Kulmala, Manuel Moya, Daniel Bourgue, e Manuel Pérez entre outros.

    Colaborou con orquestras como Orquestra Sinfónica de Galicia, Orquestra Sinfónica de Navarra, Orquestra Ciutat de Barcelona i Nacional de Catalunya, e Orquestra de Cámara de Menorca, entre outras.

   Tocou como solista en diferentes ocasións diante da Orquestra de Cámara de Xove, a Orquestra Gaos e moi especialmente coa OJSG baixo a dirección de Rubén Gimeno.

    No campo da música de cámara é membro fundador do cuarteto de trompas Ensemble Bouché (co que foron seleccionados para os circuítos de música do Injuve 2009, ministerio de cultura), membro integrante do Omega BrassEnsemble, e fundador do conxunto de cámara Zoar.

   Actualmente é profesor de trompa no Conservatorio Profesional de música dá Coruña.